Zambiyada ölkənin ali məhkəmələri prezident seçkilərinin nəticələrinə etiraz üçün son gün bağlanıb.
Yenigun.Media xəbər verir ki, Reuters-in məlumatına görə, Konstitusiya Məhkəməsi və digər məhkəmə binalarına giriş təhlükəsizlik səbəbilə məhdudlaşdırılıb. Bu qərar müxalifətin seçkilərin nəticələrinə etiraz etmək üçün qanunla müəyyən edilmiş son günə təsadüf edib.
Avqustun 13-də keçirilmiş prezident seçkilərində hazırkı prezident Hakainde Hichilemanın təxminən 60 faiz səslə qalib gəldiyi açıqlanıb. Müxalifət isə səsvermə prosesində ciddi pozuntuların olduğunu iddia edir və nəticələrə hüquqi qaydada etiraz etməyə hazırlaşır.
Müxalifət lideri Brayan Mundubile seçkilərin nəticələrinin məhkəmədə mübahisələndiriləcəyini bildirib. Məhkəmələrin bağlanması isə ölkədə siyasi gərginliyin daha da artmasına səbəb olub.
