Azərbaycanda bir sıra əmək pensiyaçılarının pensiyalarına aylıq sabit məbləğdə əlavələrin edilməsi nəzərdə tutulur. Bəs bu əlavələr kimlərə şamil olunacaq və məbləğ nə qədər olacaq?
Milli Məclisin deputatı, iqtisadçı Vüqar Bayramov Yenigun.Media-ya açıqlamasında bu məsələ ilə bağlı danışıb.
“Əmək pensiyaları haqqında” Qanuna edilən dəyişikliklərə əsasən, aylıq pensiya əlavələrinin müəyyən kateqoriyadan olan şəxslərə şamil edilməsi nəzərdə tutulur. Bu kateqoriyalara sabiq dövlət vəzifəli şəxsləri, müəyyən şərtlərlə sabiq deputatlar, dövlət qulluqçuları, diplomatik xidmət əməkdaşları, hərbi qulluqçular və qanunvericilikdə göstərilən digər şəxslər daxildir.
Yeni mexanizmdə şəxslərin qulluq və sığorta stajı, tutduqları vəzifələr, eləcə də qanunla müəyyən edilmiş digər şərtlər nəzərə alınacaq.
Pensiya əlavəsinin məbləği nə qədər olacaq?
Aylıq sabit əlavələrin konkret məbləği təqdim olunan məlumatda göstərilməyib. Ödənişlərin dövlət büdcəsinin vəsaiti hesabına həyata keçirilməsi nəzərdə tutulur.
Qeyd edək ki, dəyişikliklərin tətbiqi və pensiya əlavələrinin təyin olunması müvafiq hüquqi prosedurların tamamlanmasından asılıdır.
