Türkiyənin Manisa vilayətinin Salihli rayonunda hərəkətdə olan avtomobilin sunroofundan çıxaraq uyğun olmayan hərəkətlər edən qadının görüntüləri sosial şəbəkələrdə böyük narazılığa səbəb olub.
Yenigun.media-nın xəbərinə görə, hadisə avqustun 8-də lentə alınan görüntülərin yayılmasından sonra Salihli Respublika Prokurorluğu hadisə ilə bağlı araşdırmaya başlayıb.
Araşdırma çərçivəsində qadın sərnişin və avtomobilin sürücüsü müəyyən edilərək saxlanılıb. Prokurorluq hadisə ilə bağlı “ədəbsiz hərəkətlər” maddəsi üzrə hüquqi proses başladıldığını açıqlayıb.
Saxlanılan şəxslərlə bağlı hüquqi prosesin davam etdiyi bildirilib.
Yenigun.media
