Abşeron rayonu, Masazır qəsəbəsində yağan yağış yolları yenidən keçilməz vəziyyətə salıb.
Bizimesr.info xəbər verir ki, yağış suları nəticəsində qəsəbənin bir sıra yollarında hərəkət çətinləşib. Sakinlər bildirirlər ki, ərazidə kanalizasiya sisteminin olmaması və yağış sularının idarə olunması ilə bağlı problemlər vəziyyəti daha da ağırlaşdırır.
ADSEA-nın fəaliyyətsizliyi fonunda problem hər yağışdan sonra təkrarlanır. Nəticədə həm avtomobillərin, həm də piyadaların hərəkəti çətinləşir. Masazır sakinləri aidiyyəti qurumlardan problemin aradan qaldırılmasını və yolların normal vəziyyətə gətirilməsini istəyirlər.
