Suriyanın bir sıra bölgələrində dizel yanacağı və benzinin qiymətinin artırılmasına qarşı etiraz aksiyaları keçirilir.
Yenigun.Media xəbər verir ki, ölkənin mərkəzi və şimal bölgələrində, o cümlədən Həma, Xan-Şeyxun və Maarət ən-Numan şəhərlərində etiraz aksiyaları başlayıb.
Etirazçılar bəzi ərazilərdə avtomobil şinlərini yandırıb və yolları bağlayıblar. Bağlanan yollar arasında İdlib əyalətindən keçən beynəlxalq M-5 avtomobil yolu da olub.
