Yeni Azərbaycan Partiyasının (YAP) sədri, Azərbaycan Respublikasının Prezidenti İlham Əliyevin partiyanın VIII Qurultayındakı nitqindən irəli gələn məsələlərlə bağlı Mingəçevir şəhər təşkilatının ərazi partiya təşkilatlarında silsilə görüşlər davam etdirilir.
Yenigun.Media xəbər verir ku, YAP Mingəçevir şəhər təşkilatının 38 saylı ərazi partiya təşkilatında (Mingəçevir Turizm Kolleci) görüş keçirilib.
Görüşdə VIII Qurultayda müəyyənləşdirilmiş vəzifələr, qarşıda duran hədəflər və partiyanın gələcək fəaliyyət istiqamətləri ətrafında geniş fikir mübadiləsi aparılıb.
Tədbir zamanı Prezident İlham Əliyevin qurultaydakı nitqində əksini tapan mühüm məqamların əhəmiyyəti diqqətə çatdırılıb. Partiya üzvlərinin qarşısında duran vəzifələr, təşkilati fəaliyyətin daha da təkmilləşdirilməsi və qarşıya qoyulan məqsədlərin həyata keçirilməsi məsələləri müzakirə olunub.
Görüş iştirakçıları qurultaydan irəli gələn tapşırıq və tövsiyələrin fəaliyyətlərində əsas istiqamət kimi rəhbər tutulmasının vacibliyini vurğulayıblar.
YAP Mingəçevir şəhər təşkilatında bu istiqamətdə silsilə görüşlərin davam etdirilməsi nəzərdə tutulur.
