Sosial şəbəkələr həyatımızın ayrılmaz bir hissəsinə çevrilib, lakin onların psixologiyamız üzərindəki təsirini göz ardı etmək olmaz. Son dövrlərdə uşaqlar və gənclər arasında özünə qəsd halları artmaqdadır, bu da sosial şəbəkələrdəki neqativ təsirlərlə sıx bağlıdır.
Sosial şəbəkələrdə yayımlanan idealizə edilmiş həyat tərzləri, qüsursuz görüntülər və mükəmməl uğurlar, gənclər arasında qarşılıqlı müqayisəyə səbəb olur. Bu, özünə güvəni azaldır və aşağı öz dəyər hissinə gətirib çıxara bilər. Təsir altında qalan gənclər, özlərini uğursuz və dəyərsiz hiss edə bilərlər ki, bu da özünə qəsd düşüncələrini artırır.
Sosial şəbəkələrdə sərgilənən neqativ və aşağılayıcı məzmunlar, bəzən trolluq və ya zorakılıq kimi davranışlar, insan psixologiyasına ciddi zərər verə bilər. Bu cür məzmunların müntəzəm olaraq qarşısına çıxması, depressiya və anksiyete kimi psixoloji problemlərin inkişafına şərait yaradır.
Bu halların qarşısının alınması üçün gəncləri sosial şəbəkələrin təsirləri və riskləri barədə maarifləndirmək önəmlidir. Məktəblərdə və ailə mühitində psixoloji sağlamlıq, özünə güvən və sosial şəbəkələrdə necə davranılmalı mövzularında təlimlər təşkil olunmalıdır.
Sosial şəbəkələrdə pozitiv məzmunun yayımlanması təşviq edilməlidir. Gənclərin və uşaqların daha yaxşı bir mühitdə böyümələri üçün sosial şəbəkələrdə müsbət nümunələr və dəstəkləyici mesajların yayılması vacibdir. İstifadəçilərin psixoloji sağlamlığını qorumaq məqsədilə, peşəkar psixoloji dəstək xidmətləri və yardım xətləri təqdim olunmalıdır. Bu xidmətlər, gənclərin ehtiyac duyduğu dəstəyi vaxtında ala bilmələrini təmin edəcəkdir.
Həmçinin Ailələr və müəllimlər, uşaqların sosial şəbəkələrdə keçirdikləri vaxtı nəzarət altında saxlamalı, onları dinləməli və ehtiyac duyduqları dəstəyi göstərməlidir. Açıq ünsiyyət və müsbət təşviqlər, gənclərin psixoloji sağlamlığını dəstəkləyəcəkdir.
Bu yanaşmalar daha sağlam bir mühitin formalaşmasına kömək edəcəkdir.
Azərbaycan Oftalmoloqlar Cəmiyyəti sədrinin müavini, akademik Zərifə Əliyeva adına Milli Oftalmologiya Mərkəzinin Elmi-məlumat, təşkilati-metodik bölməsinin rəhbəri, tibb üzrə elmlər doktoru Yazgül Abdıyeva
