Hacı Zeynalabdin qəsəbəsi (Nasosnu) ərazisində ağır yol-nəqliyyat hadisəsi baş verib.
Yenigun.Media xəbər verir ki, hadisə şahidlərinin yaydıqları məlumatlara görə, qəza hərbi hissənin qarşısında qeydə alınıb. Minik avtomobili yolu keçmək istəyən piyadanı vurub və aldığı ağır xəsarətlərdən həmin şəxsin hadisə yerində dünyasını dəyişdiyi bildirilir.
Yerli sakinlər ərazidə işıq dirəklərinin işləmədiyini, gecə vaxtı görünüş məhdudiyyətinin yaranmasını və bu səbəbdən də dəhşətli qəzaların təkrarlandığını bildirərək narazılıqlarını ifadə ediblər.
Faktla bağlı müvafiq araşdırmalara başlanılıb.
